Birnin Dubai na ƙasar Haɗaɗɗiyar Daular Larabawa UAE na ta shan yabo da suka a shafin Tuwita a Najeriya, bayan da aka yi adon fitilu a jikin ginin da ya fi kowanne tsawo a duniya na Burj Khalifa da launin tutar Najeriya na kore da fari a ranar Alhamis.
Ginin Burj Khalifa ya yi hakan ne da nufin taya ƴan Najeriya murnar cika shekara 60 da samun ƴancin kanta daga Turawan Mulkin Mallaka, al'amarin da ya jawo ce-ce-ku-ce a tsakanin ƴan ƙasar.
An yi ta amfani da maudu'in #Dubai a shafukan Tuwitar Najeriya har sau fiye da 40,000 daga yammacin Alhamis zuwa ranar Juma'a.
